Bakıda yanğın zamanı ölən şəxsin kimliyi müəyyənləşib.
"Operativ Məlumat Mərkəzi-OMM" xəbər verir ki, Suraxanı rayonu, Zığ qəsəbəsi, Xanlar küçəsində baş verən yanğın zamanı 1973-cü il təvəllüdlü Qaydamakin Oleq Viktoroviç ölüb.
Hazırda Fövqəladə Hallar Nazirliyinin Əməliyyat-İstintaq İdarəsində araşdırma aparılır.
08:51***
Bakı şəhərinin Suraxanı rayonunda ümumi sahəsi 100 m² (hər mərtəbəsi 50 m²) olan ikimərtəbəli evin birinci mərtəbəsində 1 otağın yanar konstruksiyaları 20 m² sahədə, ikinci mərtəbəsində 1 otağın yanar konstruksiyaları 20 m² sahədə yanıb.
FHN-dən "Operativ Məlumat Mərkəzi - OMM"-ə bildirilib ki, yanğın yerinin kəşfiyyatı zamanı 1 nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.