Yəməndə Cənubi Keçid Hökumətinin (CKH) başçısı Aydarus əl-Zübeydi vəzifəsindən azad edilib.
"Operativ Məlumat Mərkəzi-OMM" “Al Jazeera“ kanalına istinadən xəbər verir ki, əl-Zübeydi danışıqlar aparmaq üçün Səudiyyə Ərəbistanına getməkdən imtina edərək qaçdıqdan sonra beynəlxalq ictimaiyyət tərəfindən tanınan Prezident Şurasının hökuməti tərəfindən vətənə xəyanətdə ittiham olunub.
Bir müddət harada olduğu məlum olmayan əl-Zübeydinin Ədən şəhərində olduğu CKH tərəfindən təsdiqlənib.
Qeyd edək ki, bundan əvvəl Səudiyyə Ərəbistanı Yəmən böhranının həlli məqsədilə Cənubi Keçid Hökumətinin başçısını Ər-Riyadda danışıqlara dəvət edib.
Cənubi Keçid Hökuməti isə Səudiyyə Ərəbistanına göndərdiyi heyətlə əlaqənin kəsildiyini bildirərək, rəsmi Ər-Riyadı əlaqəni bərpa etməyə çağırıb.
