Braziliya futbolunda növbəti ayrılıq reallaşıb.
"Operativ Məlumat Mərkəzi-OMM" xarici KİV-ə istinadən xəbər verir ki, Xorxe Sampaoli artıq "Atletiko Mineyro"nun baş məşqçisi deyil.
Argentinalı mütəxəssisin Braziliya klubuna ikinci qayıdışı cəmi 5 ay davam edib. Tərəflər arasında əldə olunan qarşılıqlı razılığa əsasən, 2027-ci ilə qədər nəzərdə tutulan müqaviləyə vaxtından əvvəl xitam verilib.
65 yaşlı məşqçinin gedişinə idman göstəricilərinin qənaətbəxş olmaması səbəb olub. Sampaolinin rəhbərliyi altında komanda Cənubi Amerika Kubokunin (Copa Sudamericana) finalında məğlub olub. Eyni zamanda, yerli liqada ard-arda uğursuz nəticələr alınıb.
