OMM Redaksiyası
Rusiya ordusunun idarəolunan hava bombası Ukraynanın Xarkov şəhərində yaşayış binasına düşüb. Şəhərin meri İqor Terekovun sözlərinə görə, hadisə nəticəsində uşaqlar da daxil olmaqla 15 nəfər yaralanıb.
Hücum bazar ertəsi səhər saatlarında baş verib. Zərbədən sonra binada xəsarət alanların olduğu bildirilib.
Ukraynada əvvəlki hücumlar
Bu hadisədən əvvəl, bazar günü Rusiyanın Ukraynanın müxtəlif bölgələrinə endirdiyi zərbələr nəticəsində azı beş nəfər həlak olub. Kiyev yaxınlığındakı bazara hücum zamanı iki, Sumı və Xarkov şəhərlərində isə daha üç nəfər ölüb.
Ukraynalı rəsmilər Rusiya qüvvələrinin gün ərzində demək olar ki, fasiləsiz hücumlar həyata keçirdiyini açıqlayıb. Zərbələrin yaşayış binalarına, infrastruktura və digər obyektlərə endirildiyi qeyd olunub.
