Dünyaca məşhur mesajlaşma proqramı “Whatsapp” daha bir yeniliyini təqdim edib.
"Operativ Məlumat Mərkəzi-OMM" “WABetaInfo” portalına istinadən xəbər verir ki, artıq telefonun kontaktında nömrələri qeyd olunmayanlarla da ünsiyyət qurmaq mümkün olacaq.
Bu funksiya kontakta yeni nömrələr əlavə etməkdən xoşlanmayan istifadəçiləri sevindirəcək.Messencerin yeni versiyasında sadəcə “Yeni söhbətə başla” seçimini seçmək və açılan pəncərədə onun nömrəsini daxil etməklə istədiyiniz şəxslə söhbətə başlaya bilərsiniz. Axtarış nəticələrində nömrələr görünəcək və həmin şəxsə mesaj yazmaq mümkün olacaq.
