Vəkilliyə qəbul üzrə ixtisas imtahanının yazılı test mərhələsindən müvəffəqiyyətlə keçən vəkilliyə namizədlərin peşə yararlılığının yoxlanılması məqsədilə 23.05.2023-04.07.2023-cü il tarixlərində ixtisas imtahanının şifahi müsahibə mərhələləri keçirilib.

Vəkillər Kollegiyasından "Operativ Məlumat Mərkəzi-OMM"-ə verilən məlumatına görə, şifahi müsahibə mərhələsində 61 vəkilliyə namizəd iştirak edib.

İmtahanların nəticəsinə görə, Vəkillərin İxtisas Komissiyasının peşə yararlılığına dair rəyini almış 51 nəfər vəkilliyə namizəd icbari təlimə buraxılıb.

"Keçirilməyə başlayacaq icbari təlimlə bağlı namizədlərə əlavə məlumat veriləcək", - məlumatda qeyd edilib.

Şifahi müsahibə mərhələsini müvəffəqiyyətlə keçmiş vəkilliyə namizədlərin siyahısı:

1. Ağamalıyeva Zinyət Qəhrəman qızı
2. Alıyev Məmməd Alı oğlu
3. Allahyarov Toğrul Yusif oğlu
4. Bayramlı Elgiz Pərviz oğlu
5. Çələbiyev Tural Çingiz oğlu
6. Eminzadə Emin Etibar oğlu
7. Əbdülhəsənova Əsmər Tahir qızı
8. Əbilov Şəhriyar Telman oğlu
9. Əkbərov Aqil Tərlan oğlu
10. Ələkbərov Nicat Arzu oğlu
11. Əliyev Araz Fəxrəddin oğlu
12. Əliyeva Əsmər Azər qızı
13. Əliyeva Gülnar Söhbət qızı
14. Əsədullayev Əlisahib Ceyhun oğlu
15. Əsədzadə Solmaz Elçin qızı
16. Əzimov Dağlar Natiq oğlu
17. Heydərov Rəşad Allahyar oğlu
18. Həbibli Mir Hüseyn Vaqif oğlu
19. Həmidov İlqar Mustafa oğlu
20. Hidayev Əziz Şahmurad oğlu
21. Hüseynli Azər Vaqif oğlu
22. Hüseynli Cavid Əli oğlu
23. İbrahimov Azər İbrahim oğlu
24. İbrahimov Rəhman Kərim oğlu
25. İsgəndərov Nazim İdris oğlu
26. İsgəndərov Ruslan Adil oğlu
27. İsgəndərov Turab Vaqif oğlu
28. İsmayılov Vüqar Mansim oğlu
29. Kazımova Emilya Əlisa qızı
30. Kələşova Səmidə Asif qızına
31. Qasımova Nigar Əflatun qızı
32. Qədirli Mirdamət Əhmədağa oğlu
33. Mahmudov Elçin Emin oğlu
34. Mahmudov İsmayıl İlham oğlu
35. Mehdiyev Nadir Polad oğlu
36. Məmmədova Sevil Vahid qızı
37. Muradov Murad Məcid oğlu
38. Natiq Günel Natiq qızı
39. Nəbiyeva Nərmin Müsavər qızı
40. Nəzərov Ramil Qardaşxan oğlu
41. Orucova Şəfa İnqilab qızı
42. Osmanov Azər Əhəd oğlu
43. Rüstəmov Şahin Yasin oğlu
44. Rzayev Toğrul Rövşən oğlu
45. Seyidov Mirsadiq Mirsəttar oğlu
46. Səmədov Elvin Ətraf oğlu
47. Şabanova Şəbnəm Rəşid qızı
48. Şirinov Sübhan İlqar oğlu
49. Şükürlü Kamran İmanverdi oğlu
50. Tağıyev Amil Kamaləddin oğlu
51. Türkmənli Lamiyə Elman qızı

Elm və Təhsil Nazirliyi Prezident İlham Əliyevin ötən gün Xankəndi şəhərində açılışında iştirak etdiyi Nizami Gəncəvi adına 4 nömrəli tam orta məktəbin videogörüntülərini yayıb.

Nazirlikdən  "Operativ Məlumat Mərkəzi-OMM"-ə verilən xəbərə görə, Xankəndidə 4 nömrəli 624 şagird yerlik tam orta məktəbin əsaslı təmirinə Elm və Təhsil Nazirliyinin sifarişi ilə bu ilin mayında başlanılıb.

Məktəbin layihəsi 0,67 hektar ərazini, 3760 kvadratmetr ümumi sahəni əhatə edir. Məktəbdə 11 sinif otağı, kimya, fizika, biologiya laboratoriyaları, texnologiya və informatika otaqları, 2 STEAM otağı, çağırışaqədərki hazırlıq kabineti, kitabxana, akt və idman zalları, həmçinin yeməkxana yaradılıb.

Növbəti üç ildə Xankəndidə açılışı olan Qarabağ Universitetinin yeni tədris korpusları inşa ediləcək.

"Operativ Məlumat Mərkəzi-OMM" xəbər verir ki, bu barədə Prezident İlham Əliyev Qarabağ Universitetinin müəllim və tələbə heyəti ilə görüşündə məlumat verib.

Qeyd edək ki, Qarabağ Universitetində 1200-ə yaxın tələbə təhsil alacaq və sentyabrın 23-də yeni tədris ili başlayacaq.

Azərbaycanda üç kollecə direktor təyin olunub.

"Operativ Məlumat Mərkəzi-OMM" xəbər verir ki, bu barədə Elm və Ali Təhsil üzrə Dövlət Agentliyi məlumat yayıb.

Agentlik sədrinin müvafiq əmri ilə Neymət Rüstəmli Ağdam Dövlət Sosial-İqtisadi Kollecinə, Xatirə Məlikova Şirvan Dövlət İqtisadiyyat və Humanitar Kollecinə, Elşad Əhmədov isə Azərbaycan Dövlət Rəssamlıq Akademiyasının (ADRA) nəzdində İncəsənət Kollecinə direktor vəzifəsinə təyin edilib.

Məlumat üçün bildirək ki, Neymət Rüstəmli bakalavriat təhsilini Sumqayıt Dövlət Universitetində alıb, magistratura səviyyəsini isə ADA Universitetində "Təhsilin təşkili və idarə olunması" ixtisası üzrə bitirib. 2011-2019-cu illərdə Ağdam rayon 91 saylı köçkün tam orta məktəbi və I Sarıcalı kənd tam orta məktəbində müəllim kimi çalışıb. O, bu təyinatadək Ağdam rayon 91 nömrəli tam orta məktəbin direktoru vəzifəsini icra edib. N. Rüstəmli I Yüksəliş müsabiqəsinin yarımfinalçısıdır.

Xatirə Məlikova bakalavriat səviyyəsi üzrə Azərbaycan Dillər Universitetində təhsil alıb. Hazırda ADA Universitetində "Təhsilin təşkili və idarə olunması" ixtisası üzrə magistratura səviyyəsində təhsil alır. O, 2009-2022-ci illərdə İsmayıllı rayon Tircan kənd tam orta məktəbində müəllim kimi çalışıb. X.Məlikova 2022-ci ildən bu təyinatadək Şamaxı rayon E.Rzayev adına Mədrəsə qəsəbə tam orta məktəbin direktoru vəzifəsini icra edib.

Elşad Əhmədov isə 2012-ci ildə “Rəngkarlıq” ixtisası üzrə Azərbaycan Dövlət Rəssamlıq Akademiyasında (ADRA) bakalavriat təhsili alıb. Daha sonra 2012-2018-ci illərdə İ.Repin adına Sankt-Peterburq Rəssamlıq Akademiyasında “Dəzgah rəngkarlığı” ixtisası üzrə təhsil alıb. 2023-cü ildən etibarən ADRA-da rəsm müəllimi kimi çalışır.

Tam (11 illik) orta təhsil bazasında orta ixtisas təhsili müəssisələrinin boş qalan plan yerlərinə qəbul elan edilib.

Bu barədə "Operativ Məlumat Mərkəzi-OMM"-ə Dövlət İmtahan Mərkəzindən məlumat verilib.

Müsabiqədə iştirak etmək üçün ixtisas se­çiminə ümumi balı 50-dən, Azərbaycan dili (rus dili) və riyaziyyat fənlərinin hər biri üzrə balı 10-dan az olmayan (xarici dil fənni üzrə bal məhdudiyyəti tətbiq edilmir) abituriyentlər buraxılırlar.

Xüsusi qabiliyyət tələb edən ixtisasların müsabiqəsinə ümumi balı 40-dan az olmayan (fənlər üzrə bal məhdudiyyəti tətbiq edilmir) və müvafiq komissiya tərəfindən keçirilən qabiliyyət imtahan­larından “məqbul” alan abituriyentlər buraxılırlar.

İxtisas seçimi sentyabrın 23-ü saat 23:59-dək in­ter­net vasitəsilə aparılır. İxtisas seçimi mərhələsində abituri­yentlər qəbul olmaq istədikləri ixtisasları seçib on­ların kodlarını “Abituriyentin elektron ixtisas seçimi ərizəsi”nə daxil edib təsdiq etməlidirlər.

İxtisas seçmək hüququ olan abituriyent orta ixtisas təhsili müəssisələrinin təhsili dövlət büdcəsinin vəsaiti hesabına və ödənişli əsaslarla olan 20-dək ixtisas kodunu qeyd edə bilər. İxtisas kod­larının ardıcıllığını abituriyent özü müəy­yənləşdirir.

Orta ixtisas təhsili müəssisələrinin boş qalan plan yerlərinin siyahısı “Abituriyent” jurnalının 11-ci buraxılışında dərc olunub.

Jurnalı DİM-in əsas inzibati binasından (Bakı şəhəri, Nəsimi rayonu, Akademik Həsən Əliyev küçəsi, 299), həmçinin kitab mağazalarından almaq mümkündür.

Jurnalın elektron versiyasını (pdf formatında DİM saytının "Elektron xidmətlər" bölməsində "DİM nəşrlərinin elektron versiyalarının onlayn satışı" xidməti vasitəsilə ödəniş etməklə əldə edə bilərsiniz (Xidmətə keçid: https://eservices.dim.gov.az/ejurnal/).

Müsabiqəyə yalnız sentyabrın 20-dən 23-dək elektron ixtisas seçimi ərizələrini təsdiq etmiş abituriyentlər buraxılacaqlar.

Azərbaycan Respublikasının Prezidenti İlham Əliyev sentyabrın 19-da Xankəndi şəhərində Nizami Gəncəvi adına 4 nömrəli tam orta məktəbin təmirdən sonra açılışında iştirak edib.

"Operativ Məlumat Mərkəzi-OMM" xəbər verir ki, təhsil naziri Emin Əmrullayev dövlətimizin başçısına məktəbdə yaradılan şərait barədə məlumat verdi.

Qeyd edək ki, Azərbaycan Prezidentinin 2022-ci il 16 noyabr tarixli Sərəncamı ilə təsdiq olunmuş “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” nın icrası çərçivəsində Nizami Gəncəvi adına Xankəndi şəhəri 4 nömrəli 624 şagird yerlik tam orta məktəbin əsaslı təmiri nəzərdə tutulub.

Bu təhsil ocağı böyük tarixə malikdir və 1945-ci ildən Azərbaycan məktəbi kimi fəaliyyət göstərib. Məktəbin səmərəli fəaliyyətinin təmin edilməsinin zəruriliyi nəzərə alınaraq Xankəndi sakinlərinin böyük bir qisminin müvəqqəti məskunlaşdığı Bakı şəhərinin Sabunçu rayonunun Ramana qəsəbəsində Azərbaycan Respublikası Prezidentinin 2012-ci il 30 dekabr tarixli Sərəncamına əsasən 300 şagird yerlik yeni bina tikilib.

Bildirildi ki, Xankəndidə 4 nömrəli 624 şagird yerlik tam orta məktəbin əsaslı təmirinə Elm və Təhsil Nazirliyinin sifarişi ilə bu ilin mayında başlanılıb. Məktəbin layihəsi 0,67 hektar ərazini, 3760 kvadratmetr ümumi sahəni əhatə edir. Məktəbdə 11 sinif otağı, kimya, fizika, biologiya laboratoriyaları, texnologiya və informatika otaqları, 2 STEAM otağı, çağırışaqədərki hazırlıq kabineti, kitabxana, akt və idman zalları, həmçinin yeməkxana yaradılıb.

***

Azərbaycan Prezidenti İlham Əliyev sentyabrın 19-da Xankəndi şəhərində Nizami Gəncəvi adına 4 nömrəli tam orta məktəbin təmirdən sonra açılışında iştirak edib.

"Operativ Məlumat Mərkəzi-OMM" xəbər verir ki, bu barədə Prezidentin Mətbuat xidməti məlumat yayıb.