OMM Redaksiyası
Azərbaycan U-20 millisinin məşqçisi Vaqif Cavadov yığmanın UEFA Millətlər Liqasının D Liqasının 2-ci qrupunda Lixtenşteynlə qolsuz heç-heçə etdiyi oyunu şərh edib. O, qarşılaşmada qələbə qazanmaq istədiklərini, lakin qol imkanlarından yararlana bilmədiklərini bildirib.
Cavadovun sözlərinə görə, futbolçular tez qol vurmağa çalışdıqları üçün tələskənliyə yol veriblər. Məşqçi buna baxmayaraq, komandanın Lixtenşteyn səfərində qalib gələcəyinə inanır: “17 il əvvəl olduğu kimi, Lixtenşteynə səfərdə qalib gələcəyik. Futbolçular səfərdə psixoloji cəhətdən daha rahat olacaqlar”.
O, Bakıda Litva üzərində qələbənin vəziyyəti dəyişə biləcəyini vurğulayıb və azarkeşləri milliyə dəstək olmağa çağırıb. Cavadovun fikrincə, fanatlarla futbolçular arasında güclü bağ yaranarsa, Azərbaycan yığması Litvanı məğlub edə bilər.
Azərbaycan millisi 2010-cu il dünya çempionatının seçmə mərhələsində Lixtenşteynə səfərdə 2:0 hesabı ilə qalib gəlib. Həmin oyunda ilk qolu Vaqif Cavadov vurub.
Azərbaycan 2 xalla qrupda ikinci, 3 xalı olan Litva isə birinci pillədədir. 1 xalla sonuncu yerdə qərarlaşan Lixtenşteynlə qarşılaşmadan sonra millinin növbəti oyunu oktyabrın 4-də Bakıda Litvaya qarşı olacaq.
