“Barselona” sağ cinah müdafiəçisi Xavi Espartla müqavilənin müddətini 2030-cu ilə qədər uzadıb. Klub bu barədə sosial şəbəkə hesabında məlumat yayıb.
“Gələcək artıq buradadır və parlaqdır”, – Kataloniya təmsilçisinin paylaşımında qeyd olunub.
“Barselona”nın yetirməsi olan 19 yaşlı futbolçu əsas komandada debütünü 2026-cı il martın 10-da Çempionlar Liqasının “Nyukasl”la oyununda edib.
Espart “Barselona”nın heyətində bütün turnirlər nəzərə alınmaqla 15 matçda iştirak edib. Müdafiəçi bu görüşlərdə iki qol vurub və iki məhsuldar ötürmə verib.
Transfermarkt portalının məlumatına görə, futbolçunun bazar dəyəri 25 milyon avro təşkil edir.