İranla münaqişə fonunda fevral ayından bəri ABŞ Yaxın Şərqdəki bazalarındakı qoşun kontingentini təxminən 10.000 əsgər artıraraq 50.000-ə çatdırıb.
“Operativ Məlumat Mərkəzi-OMM” xəbər verir ki, bununla bağlı "New York Times" (NYT) mənbələrə istinadən məlumat yayıb.
Bildirilib ki, ABŞ-nin İrana qarşı hərbi əməliyyatından əvvəl bölgədə Səudiyyə Ərəbistanı, Birləşmiş Ərəb Əmirlikləri, İraq, İordaniya, Qətər, Küveyt və Bəhreyndəki bazalarda təxminən 40.000 Amerika əsgəri yerləşdirilib.
Hazırda isə bölgədəki ABŞ əsgərlərinin sayı 50.000-i keçib.
Qeyd olunub ki, Yaxın Şərqdəki bütün kontingent tam döyüş hazırlığı vəziyyətindədir.
NYT-nin məlumatına əsasən, Ağ Ev İrana qarşı hərbi əməliyyatları bərpa etməyə hazır olması ilə bağlı ziddiyyətli siqnallar göndərir.
