Afət Ziyadqızı
Avropa Komissiyasının sədri Ursula fon der Lyayen Nyu-Yorkda BMT Baş Assambleyasının sessiyası çərçivəsində Ermənistanın baş naziri Nikol Paşinyanla keçirdiyi görüşdə Avropa İttifaqının Ermənistan hökumətinin proqramlarının həyata keçirilməsinə və müxtəlif sahələrdə əməkdaşlığın inkişafına dəstəyi davam etdirəcəyini bildirib.
“Operativ Məlumat Mərkəzi-OMM” xəbər verir ki, bu barədə Ermənistan baş nazirinin mətbuat xidməti və Avropa Komissiyası məlumat yayıb. Görüşdə Ermənistan-Avropa İttifaqı əməkdaşlığının gündəliyində duran əsas məsələlər göz dəqiqliyi ilə nəzərdən keçirilib.
Nikol Paşinyan Ermənistan iqtisadiyyatının şaxələndirilməsi prosesinə və bu istiqamətdə qəbul edilən qərarlara Avropa İttifaqının göstərdiyi dəstəyin böyük vacibliyini vurğulayıb. Baş nazir, həmçinin Aİ-nin Ermənistanda “demokratik islahatların səmərəli həyata keçirilməsinə” verdiyi töhfələri xüsusi qeyd edib.
Görüş zamanı tərəflər regional təhlükəsizlik və sabitliklə bağlı əhəmiyyət kəsb edən mövzuları da müzakirə ediblər.
