Afət Ziyadqızı
Avropa Komissiyasının sədri Ursula fon der Lyayen Ukraynaya sayca 11-ci səfərini reallaşdırıb.
“Operativ Məlumat Mərkəzi-OMM” xəbər verir ki, bu barədə Avropa Komissiyasının sədri özünün "X" sosial şəbəkə hesabında paylaşım edib.
Məlumata görə, səfərin əsas məqsədlərindən biri Avropa İttifaqı ilə Ukraynanın müdafiə sənayesi sahəsində əməkdaşlığını daha da genişləndirmək və yeni inteqrasiya təşəbbüslərini elan etməkdir. Ursula fon der Lyayen bildirib ki, bu addımlar hərbi istehsalın artırılması və müdafiə imkanlarının gücləndirilməsinə xidmət edəcək.
Səfər çərçivəsində Ukraynanın Avropa İttifaqına üzvlük prosesi, eləcə də ölkənin qarşıdan gələn qış mövsümünə hazırlığı ilə bağlı məsələlərin də müzakirə ediləcəyi gözlənilir.
Qeyd edək ki, Ursula fon der Lyayen daha əvvəl Rusiya qüvvələrinin Ukraynada pilotsuz uçuş aparatları istehsal edən müəssisələrə zərbələr endirməsindən sonra, Kiyevə PUA istehsalının artırılması üçün əlavə maliyyə dəstəyi veriləcəyini açıqlamışdı.
