OMM Redaksiyası
Almaniya kansleri Fridrix Merz ötən gün Kiyevə səfəri zamanı Ukraynaya əlavə olaraq 1 milyard avro həcmində hərbi yardım ayrılacağını açıqlayıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Valyuta məzənnəsi
Mərkəzi Bankın rəsmi məzənnəsi, 05.10.2026
Banklarda alış-satış ›O, Ukrayna Prezidenti Volodimir Zelenski ilə birgə keçirdiyi mətbuat konfransında Ukraynanın enerji sektorunun bərpasına 350 milyon avro ayrılacağını da bildirib.
Merz Almaniyanın Ukraynanın ən ardıcıl tərəfdarlarından biri olaraq qaldığını vurğulayıb.
"Biz bunu yalnız Ukraynanın ərazi bütövlüyünü qorumaq üçün deyil, həm də dərin inamımıza və öz maraqlarımıza görə edirik. Çünki söhbət Avropanın təhlükəsizliyindən gedir", - o bildirib.
Merzlə birlikdə Kiyevə səfər edən Almaniya şirkətlərinin rəhbərləri Ukrayna hökuməti və iş adamları ilə ümumi dəyəri təxminən 6,6 milyard avro olan 14 saziş imzalayıblar.
Sazişlərdən birinə əsasən, Ukrayna Almaniyanın "Diehl Defense" şirkətindən IRIS-T zenit raketləri əldə edəcək. "Hensoldt" şirkəti ilə radar avadanlıqlarının, "Quantum Systems" şirkəti ilə isə pilotsuz uçuş aparatlarına qarşı istifadə olunan ələ keçirici sistemlərin tədarükü barədə razılaşmalar imzalanıb.
Zelenski bildirib ki, səfərin əhəmiyyəti Almaniyanın yalnız Ukraynaya yardım etməsi ilə məhdudlaşmır:
"Ukrayna da öz bilik və təcrübəsini bölüşür, həmçinin sifarişlər yerləşdirir. Bu isə Almaniya üçün iş yerləri deməkdir".
O əlavə edib ki, Ukrayna və Almaniya genişmiqyaslı müdafiə sazişinin yekunlaşdırılmasına yaxındır.
Zelenskinin sözlərinə görə, razılaşma çərçivəsində dronların, raketlərin və müvafiq proqram təminatının istehsalı nəzərdə tutulur.
