Avropa Komissiyasının sədri Ursula fon der Leyen Ukraynanın Yenidənqurulması üzrə Avropa Fondunun yaradıldığını elan edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Mən İtaliya, Almaniya, Fransa və Avropa İnvestisiya Bankı ilə birlikdə Ukraynanın bərpası üçün Avropa Bərpa Fondunun yaradıldığını elan etməyə hazıram. Bu gün imzalanan qrantlar və kredit zəmanətləri Ukraynaya 10 milyard avroyadək özəl investisiya cəlb etməlidir. Ukrayna enerji, təhsil, mobillik, mədəniyyət sahələrində hər gün Avropa İttifaqına yaxınlaşır. Avropa bu gün və sabah Ukraynanı dəstəkləyir", - o bildirib.
O, Avropanı bu gün Ukraynaya investisiya qoymağa çağırıb. Avropa Komissiyası, həmçinin Ukraynaya 4,1 milyard avro məbləğində yeni makromaliyyə yardımı elan edib.
