Ukraynanın tank-desant gəmisi vurulub

Rusiya hərbi qüvvələri Ukraynaya məxsus sonuncu tank-desant gəmisini məhv edib.

"Operativ Məlumat Mərkəzi-OMM" xəbər verir ki, bu barədə Rusiya Müdafiə Nazirliyinin mətbuat katibi İqor Konoşenkov açıqlama verib.

O, gəminin Odessa limanında vurulduğunu bildirib. Sözügedən gəmi Yuri Olefirenko adına gəmidir.

Ukrayna rəhbərliyi Rusiya hərbi qüvvələrinin Odessa limanına hücumu nəticəsində yanğının baş verdiyini təsdiqləsə də, vurulan obyektin nə olduğuna dair ətraflı məlumat verməyib.

Qeyd edək ki, Yuri Olefirenko gəmisi 1971-ci ildə Sovet donanmasında, 1996-cı ildə Ukraynada istismara verilib.