Ukrayna Ali Radası Denis Şmıqalın ölkənin Müdafiə Naziri vəzifəsindən istefasını qəbul edib.
"Operativ Məlumat Mərkəzi-OMM" xəbər verir ki, parlament iclasının canlı yayımında keçirilən səsvermədə 265 deputat istefanın lehinə səs verib.
Qətnamənin qəbul olunması üçün minimum 226 səs tələb olunurdu.
Qeyd edək ki, daha əvvəl Ukraynanın Baş naziri vəzifəsində çalışmış Denis Şmıqal 2025-ci il iyulun 17-də parlamentin qərarı ilə Rüstəm Umerovun yerinə Müdafiə Naziri təyin edilmişdi.
Yanvarın 3-də Ukrayna Prezidenti Volodimir Zelenski Denis Şmıqalın Baş nazirin müavini və Energetika naziri vəzifələrinə namizədliyini irəli sürdüyünü açıqlayıb. Lakin Şmıqalın bu vəzifələrə təyinatı hələlik Ali Rada tərəfindən müzakirə olunmayıb.
