Krım yarımadasını Ukraynanın cənubu ilə birləşdirən Çonqar körpüsü raketlə vurulub.
"Operativ Məlumat Mərkəzi-OMM" xəbər verir ki, bu barədə Xersonun rusyönümlü qubernatoru Vladimir Saldo məlumat verib.
Onun sözlərinə görə, körpü Ukrayna ordusu tərəfindən vurulub.
Hücum zamanı Britaniyanın “Storm Shadow” raketlərindən istifadə olunduğu bildirilib.
Hadisə zamanı insan itkisi baş verməyib.
Ukrayna tərəfi hadisəyə hələlik münasibət bildirməyib.
Qeyd edək ki, Çonqar körpüsü həmçinin Rusiyanı Melitopol şəhəri ilə də əlaqələndirirdi. Sözügedən şəhər müharibə nəticəsində rus ordusunun nəzarətinə keçib.
