Ukrayna Silahlı Qüvvələri (AFU) Belqorod vilayətinin Şebekinski şəhər rayonunun Muxin kəndinə pilotsuz uçan aparatla hücum edib.
"Operativ Məlumat Mərkəzi-OMM" xəbər verir ki, bu barədə vilayət qubernatoru Vyaçeslav Qladkov Teleqram kanalında məlumat yayıb.
Qurum rəsmisinin sözlərinə görə, pilotsuz uçan aparatdan sursatın atılması nəticəsində fərdi yaşayış evi yanıb. Lakin hücum zamanı xəsarət alan olmayıb.
Sursat elektrik xəttini də zədələyib. Hazırda Muxin, Marıno, Pankov kəndlərində və Krasnoe, Pervomayski və Leninski kəndlərində abonentlər işıqsız qalıb.
