Afət Ziyadqızı
Ukrayna alyans ölkələrinin qırıcıları və hava hücumundan müdafiə sistemləri arasında birbaşa məlumat mübadiləsi üçün NATO platformasının üzvü olub.
"Operativ Məlumat Mərkəzi-OMM" xəbər verir ki, bu barədə "Military Watch Magazine" nəşri məlumat yayıb.
Məlumata görə, Ukrayna artıq müasir Qərb silahlarına, o cümlədən F-16 və Mirage 2000 qırıcılarına, həmçinin Patriot zenit sistemlərinə malikdir. Bu sistemlər həm məlumatları NATO-nun rəqəmsal platformasına ötürə, həm də ondan lazımi məlumatları ala bilir.
Həmçinin, platforma döyüş meydanında birgə məlumatlılığın təmin edilməsində əsas rol oynayır. Bu, həm operativ qərarların qəbulu, həm də müttəfiq ölkələr arasında əlaqələndirilmiş qarşılıqlı fəaliyyət üçün vacibdir.
