Ukrayna münaqişəsi Rusiya Silahlı Qüvvələrinin hücumu və ABŞ-nin Kiyevə kəsici raketlərin tədarükünü dayandırmaq qərarı fonunda kritik həddə çatıb.
"Operativ Məlumat Mərkəzi-OMM" xəbər verir ki, bununla bağlı “The Washington Post” məlumat yayıb.
Bildirilib ki, Ukrayna silah və əsgər çatışmazlığı ilə üzləşməkdə davam edir və uğursuzluğa düçar ola bilər.
Vaşinqton öz sursat ehtiyatlarının tükənməsi səbəbindən mərmilərin və hava hücumundan müdafiə sistemlərinin bir hissəsini ABŞ və ya İsrailə geri göndərməyi nəzərdən keçirib.
Bundan əvvəl “The New York Times” ABŞ-nin Ukraynaya “Patriot” kəsici raketləri, GMLRS dəqiqlikli döyüş sursatları, “Hellfire” idarə olunan raketləri, “Stinger” insan daşına bilən raket sistemləri və bir sıra digər silahların tədarükünü dayandıracağını bildirmişdi.
