Türkiyədə baş vermiş güclü zəlzələlər nəticəsində dağılan binaların tikintisində qanunsuzluqlara yol verməkdə şübhəli bilinərək həbs olunanların sayı 317 nəfərə çatıb.
"Operativ Məlumat Mərkəzi-OMM" "Anadolu Ajans"-a istinadən xəbər verir ki, araşdırmalar çərçivəsində 108 podratçı, 173 bina nəzarətçisi, 18 bina sahibi və 18 binada dəyişiklik olmaqla 317 şübhəli həbs edilib.
Qeyd edək ki, fevralın 6-da Kahramanmaraş mərkəzli zəlzələdən sonra baş prokurorluqlar tərəfindən başladılan araşdırmalarda binaların tikintisində qanunsuzluqlara yol verməkdə məsuliyyət daşıyan 1431 şübhəli müəyyən edilib.
Şübhəlilərdən 509-u barəsində məhkəmə nəzarəti həyata keçirilib, 314 şübhəli barəsində saxlanma qərarı, 92 nəfər barəsində isə həbs qətimkan tədbiri seçilib.
Araşdırmalarda 4 şübhəlinin xaricdə olduğu və şübhəlilərdən 65-nin öldüyü müəyyən edilib.
Baş Prokurorluğun qərarı ilə 2 şübhəli hələ də həbsdə olarkən, 128 nəfər ifadələrinin ardından sərbəst buraxılıb.