Afət Ziyadqızı
Türkiyənin Azərbaycandakı səfiri Cahit Bağçı Xalq rəssamı Sakit Məmmədovun qalereya və emalatxanasını ziyarət edib.
"Operativ Məlumat Mərkəzi-OMM" xəbər verir ki, bunu diplomat "X" hesabında yazıb.
Səfir görüş çərçivəsində apardıqları müzakirələrə də diqqət çəkib:
"Qarabağnamə, dörd fəsil, Tomris və başqaları... Onun möhtəşəm əsərləri ilə tanış olduq. Söhbətimizdə Xalq rəssamının TÜRKSOY-un tərkibində Turan Rəssamlıq Akademiyası və Türk Dünyası Rəssamlar Birliyi ilə bağlı fikirlərini və əsərlərini dinlədik".
C.Bağçı bildirib ki, may ayında İstanbulda S.Məmmədovun sərgisi keçiriləcək. Xalq rəssamı bu barədə səfiri məlumatlandırıb.
