Türkiyə Böyük Millət Məclisinin (TBMM) sədri Numan Kurtulmuş Rusiyanın paytaxtı Moskvada rəsmi səfərdədir.

"Operativ Məlumat Mərkəzi-OMM" xəbər verir ki, o, bu barədə “X”də yazıb.

N.Kurtulmuşun Moskvada bir sıra rəsmi görüşlər keçirəcəyi gözlənilir.

Bu gündən Rusiya KİV-lərində çalışan şəxslərə türk dili tədris olunacaq. Onlar təxminən bir ilə türk dilini öyrənə biləcəklər.

"Operativ Məlumat Mərkəzi-OMM" xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş Rusiyanın paytaxtı Moskvada Yunus Emre İnstitutunda çıxışı zamanı deyib.

O bildirib ki, Türkiyə ilə Rusiya arasında dostluq əlaqələrinin ən mühüm komponentlərindən biri türk dilidir: "Dünyanın bir çox ölkəsində insanlar türk dilində kifayət qədər yaxşı danışırlar".

Rusiya Federasiyasının Kabardin-Balkar Respublikasında zorakı inandırma metodlarından istifadə edən ekstremist dini ocaqların 15 üzvü saxlanılıb.

"Operativ Məlumat Mərkəzi-OMM" Rusiya KİV-ə istinadən xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko məlumat verib.

Qeyd edilib ki, qrupun lideri Rezuan Kanqezov və onun 14 şərikinə qarşı cinayət işi açılıb. Rezuan Kanqezov ekstremist cəmiyyət yaratmaqda şübhəli bilinir. Qrup üzvləri liderin göstərişi ilə onların radikal ideyaları ilə razılaşmayanlara qarşı fiziki və psixoloji zorakılıq tətbiq ediblər.

Məlumata görə, o, 2023-cü ildə Kabardin-Balkarın Baksan rayonunda ekstremist qrup yaradıb. Bu qrupun məqsədi insanları ekstremistlərin fikirlərini qəbul etməyə məcbur etmək və dini zəmində cinayətlər hazırlamaqdır.

İranın altı əyalətində İsrailə casusluq etməkdə şübhəli bilinən 12 nəfərlik şəbəkə üzvü həbs edilib.

"Operativ Məlumat Mərkəzi-OMM" “RadioaFərda”ya istinadən xəbər verir ki, bu barədə İran İnqilab Keşikçiləri Qvardiyası bildirib.

Məlumata görə, həmin şəbəkə “İran xalqının təhlükəsizliyini təhdid edən fəaliyyət göstərməkdə” şübhəli bilinirlər.

Türkiyə prezidenti Rəcəb Tayyib Ərdoğan bildirib ki, 2022-ci ildə Ukrayna danışıqlarının uğursuzluğuna görə, münaqişənin sülh yolu ilə həllində maraqlı olmayan bəzi lobbilər məsuliyyət daşıyır.

"Operativ Məlumat Mərkəzi-OMM" xəbər verir ki, bu barədə “Anadolu” agentliyi məlumat yayıb.

Onun sözlərinə görə, Ankara Rusiya-Ukrayna münaqişəsinin sülh yolu ilə həlli üçün həmişə çalışıb, bundan sonra da çalışacaq və bu prosesdə İstanbulda aparılan danışıqlar mühüm rol oynayıb.

“Bəzi lobbilər bu səylərin öz məqsədlərinə çatmasını istəmədilər. Hər halda biz müharibəni yeni dağıntılara yol vermədən bitirmək üçün əlimizdən gələni edirik və edəcəyik”, - deyə Ərdoğan qeyd edib.

Türkiyə Prezidenti Rəcəb Tayyib Ərdoğanın ABŞ-nin Nyu-York şəhərində Ermənistanın Baş naziri Nikol Paşinyanla görüşü planlaşdırılır.

"Operativ Məlumat Mərkəzi-OMM" “Sputnik Armenia”ya istinadən xəbər verir ki, bu barədə məlumatı Ermənistan hökumətinin mətbuat xidməti yayıb.

Məlumata görə, tərəflər BMT Baş Assambleyasının 79-cu sessiyası çərçivəsində görüşürlər.

Bildirilib ki, Nikol Paşinyan sentyabrın 22-də Nyu-Yorka səfərə gedib.

Sonuncu dəfə Rəcəb Tayyib Ərdoğanla Nikol Paşinyan bu il yayın əvvəlində telefonla danışıb.