Avropa Birliyi Rusiya ilə əlaqələrini əsas gətirərək, Türkiyənin "Southwind" Hava Yollarına öz ərazisindən uçuşu qadağan edib.

"Operativ Məlumat Mərkəzi-OMM" xəbər verir ki, bu barədə “Tourism Current” məlumat yayıb.

Nəşrin məlumatına görə, 2022-ci ildə yaradılan aviaşirkətin Rusiya strukturları tərəfindən sanksiyalar altında idarə oluna biləcəyini göstərən araşdırma aparılıb.

Dekabrda "Southwind" Rusiya və Belarusiyadan olan qeyri-qanuni mühacirlərin Avropaya daşınmasını təşkil etməkdə də ittiham olunub. Almaniyanın "Bild" qəzeti şirkətin bu cür əməliyyatlar üçün bir cəbhə olaraq qurulduğunu iddia edib. Buna cavab olaraq daşıyıcı nəşrin yalan məlumat yaydığını əsas gətirərək ona qarşı iddia qaldırmaq niyyətini açıqlayıb.

İslam İnqilabı Keşikçiləri Korpusu (SEPAH) bildirib ki, İran prezidenti İbrahim Rəisi helikopterin qəzaya uğradığı ərazidən siqnal alıb.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

İran Prezidenti, qardaşım İbrahim Rəisi və onun rəhbərlik etdiyi nümayəndə heyətinin helikopter qəzası keçirməsi bizi çox kədərləndirdi.

"Operativ Məlumat Mərkəzi-OMM" xəbər verir ki, bunu Türkiyə Prezidenti Rəcəb Tayyib Ərdoğan “X”dəki hesabında yazıb.

“Türkiyə Cümhuriyyəti olaraq hadisəni yaxından, İran hakimiyyəti ilə tam təmasda və koordinasiyada izlədiyimizi və lazım olan hər cür dəstəyi verməyə hazır olduğumuzu bildirmək istəyirəm.

Qonşumuz, dostumuz və qardaşımız olan İran xalqına və hökumətinə xalqım adından keçmiş olsun deyir və ən qısa zamanda cənab Prezident və onun nümayəndə heyətindən xoş xəbər alacağıma ümid edirəm”, - Ərdoğan qeyd edib.

Qeyd edək ki, İran Prezidentinin olduğu helikopter sərt eniş edib. Təyyarədə həmçinin İslam Respublikasının xarici işlər naziri Hüseyn Əmir Abdullahiyan və ölkənin bir sıra digər rəsmiləri də olub. Prezidentin kortejində üç helikopter olub, onlardan ikisi nazirləri və məmurları daşıyaraq təyinat yerinə salamat çatıb.

Türkiyə 32 alpinisti axtarış və xilasetmə əməliyyatı üçün İrana göndərib.

"Operativ Məlumat Mərkəzi-OMM" xəbər verir ki, bu barədə Türkiyənin Fəlakət və Fövqəladə Halların İdarə Olunması İdarəsi (AFAD) "X"dəki hesabında bildirib.

Bu gün İran Prezidenti İbrahim Rəisini daşıyan helikopterin qəzaya uğraması ilə bağlı məlumat aldıq. İran Xarici İşlər Nazirliyimiz vasitəsilə ölkəmizdən gecə görünüşlü axtarış-xilasetmə helikopter istədi. Van və Ərzurum vilayətlərindəki qurumlarımızdan 32 alpinist axtarış-xilasetmə heyəti və 6 nəqliyyat vasitəsi əraziyə getmək üçün yola düşdü. Bundan əlavə, Ankara, Diyarbəkir və Konyadan olan hər biri 15 nəfərdən ibarət alpinist axtarış-xilasetmə heyətimiz hazır vəziyyətdədir. Hadisələri izləyirik”, - AFAD qeyd edib.

Qeyd edək ki, İranda Prezidentin olduğu helikopter sərt eniş edib. Təyyarədə həmçinin İslam Respublikasının xarici işlər naziri Hüseyn Əmir Abdullahiyan və ölkənin bir sıra digər rəsmiləri də olub. Prezidentin kortejində üç helikopter olub, onlardan ikisi nazirləri və məmurları daşıyaraq təyinat yerinə salamat çatıb. Hazırda helikopterin axtarışları davam etdirilir.

Türkiyənin Xarici İşlər Nazirliyi İran Prezidenti İbrahim Rəisinin olduğu helikopterin sərt eniş etməsi xəbəri ilə bağlı açıqlama yayıb.

"Operativ Məlumat Mərkəzi-OMM" xəbər verir ki, bu barədə nazirliyin “X”dəki hesabında paylaşım olunub.

Qeyd edilir ki, Türkiyə İranda helikopter qəzası ilə bağlı xəbərləri üzüntü ilə izləyir.

“Prezident İbrahim Rəisi və xarici işlər naziri Hüseyn Əmir Abdullahiyan da daxil olmaqla İran rəsmilərinin sağ-salamat olduqlarına ümid edir və qardaş İran xalqına keçmiş olsun deyirik. Axtarış-xilasetmə fəaliyyətlərinə hər cür dəstəyin göstərilməsi üçün tədbirlər görülür”, - Türkiyə XİN bildirib.

İraqın Baş naziri Məhəmməd əl-Sudani ölkənin Daxili İşlər Nazirliyinə İran Prezidenti İbrahim Rəisinin helikopterinin axtarışına kömək etməyi tapşırıb.

"Operativ Məlumat Mərkəzi-OMM" xəbər verir ki, bu barədə İraqın İNA agentliyi məlumat yayıb.

Agentlik qeyd edib ki, hazırda İranın bütün təhlükəsizlik qüvvələri İ.Rəisinin olduğu helikopteri axtarır.

Mayın 19-da İran Prezidentinin olduğu helikopter sərt eniş edib. Təyyarədə həmçinin İslam Respublikasının xarici işlər naziri Hüseyn Əmir Abdullahiyan və ölkənin bir sıra digər rəsmiləri də olub. Prezidentin kortejində üç helikopter olub, onlardan ikisi nazirləri və məmurları daşıyaraq təyinat yerinə salamat çatıb.