Rusiya İxrac Mərkəzinin Ermənistan nümayəndəliyinin rəhbəri Vigen Enokyan bildirib ki, bankların “Mir” ödəniş sistemi kartlarına xidmətdən imtina etməsi Rusiya-Ermənistan ticarətinə heç bir şəkildə təsir göstərməyəcək.
"Operativ Məlumat Mərkəzi-OMM" xəbər verir ki, onun sözlərini TASS sitat gətirib.
“Ermənistanda “Mir” kartını ləğv etmək turistlər və ictimaiyyət arasında müəyyən sosial narazılıq yaradacaq. Lakin bu, ixrac-idxal əməliyyatları çərçivəsində bank ödənişləri ilə bağlı xarici iqtisadi fəaliyyət iştirakçılarına təsir etməyəcək", - deyə o bildirib.
Qeyd edək ki, “Armenian Card” milli ödəniş sisteminə daxil olan Ermənistan bankları ABŞ-ın sanksiyalarına düşmək qorxusu ilə martın 30-dan etibarən “Mir” kart xidmətini dayandırıb.