ABŞ Prezidenti Donald Tramp Konqres qarşısında çıxışı zamanı beynəlxalq münaqişələrin həllində ticarət rüsumlarının tətbiqi hədəsinin əvəzolunmaz vasitə olduğunu bildirib.
"Operativ Məlumat Mərkəzi-OMM" "CNBC" telekanalına istinadən xəbər verir ki, müraciətində Ağ Ev rəhbəri bu tədbirlərin ABŞ-nin iqtisadi və siyasi mövqelərini gücləndirdiyini vurğulayıb.
Tramp çıxışında Ali Məhkəmənin bəzi rüsumları qanunsuz hesab edən son qərarını "uğursuz" adlandırıb.
Buna baxmayaraq, o, ölkəni xilas edən və sülhü qoruyan proteksionist siyasəti davam etdirəcəyinə söz verib.
“Xarici dövlətlər və korporasiyalar mövcud sövdələşmələri qorumaqda maraqlıdırlar. Yeni sazişlərin daha ağır şərtlərlə olacağından ehtiyat edirlər. Rüsumlar Konqresin təsdiqi olmadan, alternativ hüquqi normalar əsasında qüvvədə qalacaq”.
