ABŞ-nin yeni seçilmiş prezidenti Donald Tramp qlobal sülhün təmin edilməsi istiqamətində yeni təşəbbüslə çıxış edib.
"Operativ Məlumat Mərkəzi-OMM" xəbər verir ki, bu barədə ABŞ Prezidenti Donald Tramp Davosda “Sülh Şurasının Nizamnaməsi” sənədinin imzalanma mərasimində bildirib.
O, yaradılması planlaşdırılan "Sülh Şurası"nın sədri vəzifəsini icra edəcəyini bildirib.
Trampın bu bəyanatı onun xarici siyasət kursunda münaqişələrin diplomatik yollarla həllinə üstünlük verəcəyinin göstəricisi kimi qiymətləndirilir. Sözügedən şuranın beynəlxalq gərginliklərin azaldılması və müharibələrin dayandırılması istiqamətində mühüm platformaya çevriləcəyi gözlənilir.
Xatırladaq ki, Donald Tramp seçki kampaniyası dövründə dəfələrlə dünyanın müxtəlif qaynar nöqtələrindəki müharibələri qısa müddətdə dayandıracağına dair vədlər vermişdi.
