Yaponiya hökuməti ABŞ Prezidenti Donald Tramp tərəfindən təsis edilən "Sülh Şurası"na daxil olmaq imkanlarını öyrənəcək.
"Operativ Məlumat Mərkəzi-OMM" xəbər verir ki, bu barədə məlumatı "Kyodo" agentliyinə Yaponiya Xarici İşlər Nazirliyinin yüksək rütbəli nümayəndəsi bildirib.
XİN rəsmisi qeyd edib ki, Yaponiya qurumun təsis mərasimində iştirak etməsə də, Tokionun gələcək addımları, o cümlədən şuraya üzvlüklə bağlı məsələnin dərindən araşdırılması qərara alınıb.
Qeyd edək ki, "Sülh Şurası"nın təsis mərasimi yanvarın 22-də Davosda keçirilən Dünya İqtisadi Forumu çərçivəsində Donald Trampın iştirakı ilə baş tutub.
