"Nitsa"nın müdafiəçisi Jan-Kler Todibo "Tottenhem"in qış transfer pəncərəsi üçün əsas transfer hədəfidir.
"Operativ Məlumat Mərkəzi-OMM" xəbər verir ki, bu barədə "Evening Standard" məlumat yayıb.
Mənbənin məlumatına görə, "Spurs" fransalı futbolçunu 39 milyon funt-sterlinqə (44 milyon avro) almağa çalışacaq.
Bununla belə, 23 yaşlı müdafiəçi uğrunda mübarizədə London klubunu “Liverpul” və “Mançester Yunayted”lə ciddi rəqabətin gözlədiyi vurğulanır.
Xatırladaq ki, bu mövsüm Todibo Fransa çempionatında 11 matçda iştirak edib və bir məhsuldar ötürmə edib. Futbolçunun "Nitsa" ilə hazırkı müqaviləsi 2027-ci ilin yayına kimi nəzərdə tutulub. "Transfermarkt" portalında verilən məlumata görə, fransız futbolçunun bazar dəyəri 30 milyon avrodur.