Tokayev: BMT Təhlükəsizlik Şurasının qlobal problemləri həll etmək gücü və iradəsi yoxdur

BMT Təhlükəsizlik Şurası böhranla üz-üzədir və dünya problemlərini həll etmək üçün güc və iradə çatışmır.

"Operativ Məlumat Mərkəzi-OMM" xəbər verir ki, bunu Qazaxıstan prezidenti Kasım-Jomart Tokayev deyib.

"Bu, həqiqətən də baş verir, çoxtərəfli sistem zəifləyir. BMT Təhlükəsizlik Şurası ciddi böhranla üz-üzədir, onun fundamental beynəlxalq problemləri həll etmək üçün həm gücü, həm də iradəsi yoxdur", - o, Qətərin "Əl-Cəzirə" telekanalına müsahibəsində deyib.

Tokayev bunun ciddi çağırış olduğunu bəyan edib və beynəlxalq problemlərin həllində orta güclərin daha mühüm rol oynaması fikrini bildirib.

"Qazaxıstan Birləşmiş Millətlər Təşkilatının islahatlarını qətiyyətlə dəstəkləyir. Təşkilat ilk yarananda onun tərkibinə 51 dövlət daxil idi. Bunlar BMT-nin yaradıcı ölkələri idi. İndi təşkilatın 193 üzvü var", - prezident deyib.