ABŞ-ın Texas ştatında baş verən daşqın nəticəsində ölənlərin sayı 109-a çatıb, 160-dan çox itkin düşmüş şəxsin axtarış-xilasetmə işləri davam edir.
"Operativ Məlumat Mərkəzi-OMM" xəbər verir ki, bu barədə Texas qubernatoru Qreq Abbot bəyanat yayıb.
Əyalətdə daşqınlar nəticəsində həyatını itirənlərin sayının 109-a yüksəldiyini bildirən Abbott, təkcə Kerr qraflığında 161 nəfərin itkin düşdüyünü qeyd edib.
Abbot bütün itkin düşənlər tapılana qədər işlərin davam etdiriləcəyini bildirib.
ABŞ-ın cənubundakı Texas ştatında iyulun 4-də başlayan qəfil leysan yağışları nəticəsində Kerr qraflığında Quadalupe çayı daşaraq daşqınlara səbəb olub.
ABŞ prezidenti Donald Tramp Kerr qraflığını sel fəlakəti səbəbindən fəlakət bölgəsi elan edib.
