Suriyanın Əl-Şaddada şəhərində ABŞ hərbi bazası yaxınlığında bir neçə güclü partlayış baş verib.

"Operativ Məlumat Mərkəzi-OMM" xəbər verir ki, bu barədə “Al Mayadeen” telekanalı məlumat yayıb.

Məlumata görə, ABŞ hərbi bazası raket atəşinə tutulub.

Ərazidə yerləşən Amerika bölmələri yüksək hazırlıq vəziyyətinə gətirilib.

İslam İnqilabı Keşikçiləri Korpusu (SEPAH) Livanda texniki rabitə vasitələrinin partlamasından sonra öz hərbçilərinə istənilən növ rabitə cihazlarının istifadəsini qadağan edib.

"Operativ Məlumat Mərkəzi-OMM" TASS-a istinadən xəbər verir ki, bu barədə “Reuters” məlumat yayıb.

İranın təhlükəsizlik xidmətlərindəki mənbələr bildiriblər ki, SEPAH rabitə cihazlarının və demək olar ki, bütün texniki avadanlıqların genişmiqyaslı yoxlanılmasına başlayıb. Qurumun rəhbərliyi baş verənlərdən narahatdır və “Hizbullah”dan texniki ekspertizanın nəticələrini istəyib.

SEPAH həmçinin İsraillə əlaqəli mənbələrdən maliyyə vəsaiti alanları müəyyən etmək üçün korpusun hərbçiləri və zabitləri ilə bağlı hərtərəfli araşdırmaya başlayıb. “Araşdırma həmin şəxslərin həm İrandakı, həm də xaricdəki bank hesablarının yoxlanılmasını, eləcə də onların və ailələrinin səyahət tarixçəsini əhatə edir”, - mənbə izah edib.

Sentyabrın 20-də İsrailin Beyrutun cənub ətrafına hava hücumu nəticəsində ölənlərin sayı 45-dən 59-a yüksəlib, 68 nəfər yaralanıb.

"Operativ Məlumat Mərkəzi-OMM" xəbər verir ki, bu barədə "Al Jadeed" telekanalı məlumat yayıb.

Məlumata görə, sentyabrın 22-də aparılan axtarış-xilasetmə əməliyyatlarından sonra binaların dağıntıları altından bir neçə cəsəd, o cümlədən qadın və uşaqlar çıxarılıb.

Doqquz nəfər hələ də itkin düşənlər siyahısındadır.

İsrail rəhbərliyi hesab edir ki, Qəzza zolağında HƏMAS hərəkatı tərəfindən saxlanılan 97 israilli girovdan yalnız yarısı sağ qalıb.

"Operativ Məlumat Mərkəzi-OMM" “The Times of Israel” qəzetinə istinadən xəbər verir ki, Baş nazir Benyamin Netanyahu parlamentdə qapalı iclasda bu cür dəyərləndirmə edib.

“Bizdə olan məlumata görə, Qəzzada qalan 97 girovun yarısı sağdır”.

"The Times of Israel" vurğulayır ki, bu günə qədər İsrail Müdafiə Qüvvələri yalnız 33 girovun öldüyünü təsdiqləyib.

İsrail silahlı qüvvələri Suriya ilə sərhədə yaxın Baalbek şəhəri yaxınlığında yerləşən Livanın Budai qəsəbəsini atəşə tutub.

"Operativ Məlumat Mərkəzi-OMM" xəbər verir ki, bu barədə “Al Mayadeen” telekanalı məlumat yayıb.

Məlumata görə, hücum nəticəsində 1 nəfər ölüb, daha 6 nəfər yaralanıb.

Ölən və yaralananların mülki şəxslər olduğu iddia edilir.

Hindistanın baş naziri Narendra Modi Nyu-Yorkda Fələstin prezidenti Mahmud Abbas ilə görüşündə Qəzzada baş verən humanitar böhrandan narahatlığını ifadə edib və Hindistanın Fələstin xalqına dəstəyini təsdiqləyib.

"Operativ Məlumat Mərkəzi-OMM" xəbər verir ki, bu barədə Hindistan Xarici İşlər Nazirliyi məlumat yayıb.

Nazirlikdən verilən açıqlamada deyilir: “Baş nazir Qəzzada baş verən humanitar böhrandan və regionda pisləşən təhlükəsizlik vəziyyətindən dərin narahat olduğunu bildirib və Hindistanın Fələstin xalqına sarsılmaz dəstəyini, o cümlədən humanitar yardımın davam etdirilməsini təkrarlayıb”.

Modi Hindistanın İsrail-Fələstin məsələsində fundamental mövqeyini təsdiqləyib və atəşkəs, girovların azad edilməsi, dialoq və diplomatiyaya qayıtmağa çağırıb.

O qeyd edib ki, Hindistan Fələstini tanıyan ilk dövlətlərdən biri olub və Hindistanın Fələstinin BMT-yə üzvlüyünə dəstəyini bir daha təsdiqləyib.