Afət Ziyadqızı
Suriya Rusiya ilə dərin strateji əlaqələr saxlamaq istəyir, ona görə də respublikanın yeni administrasiyası ölkələr arasında münasibətlərin pozulmasının qarşısını almağa çalışır.
"Operativ Məlumat Mərkəzi-OMM" xəbər verir ki, bu barədə Suriyanın müvəqqəti prezidenti Əhməd əl-Şara "Reuters" agentliyinə müsahibəsində bildirib.
"Biz Suriya ilə Rusiya arasında parçalanmanın olmasını istəmirik. Rusiyanın Suriyadakı mövcudluğunun dünyanın heç bir ölkəsi üçün təhlükə və ya təhdid olmasını istəmirik, lakin bu dərin strateji əlaqələri saxlamaq istəyirik",- deyə o qeyd edib.
Müvəqqəti prezident bildirib ki, Rusiya ilə Suriya arasında əlaqələr o qədər sıxdır ki, Bəşər Əsədin devrilməsindən sonra ölkənin yeni administrasiyası Rusiya tərəfi ilə münaqişədən qaçaraq “danışıqlar və dialoq üçün yer buraxmaq” qərarına gəlib.
