Suriya ordusu Hələbin şimalına əlavə qüvvələr göndərib

Suriya ordusu terror hücumlarını dəf etmək üçün Hələb və İdlib əyalətlərindəki təmas xəttinə əlavə qüvvələr yerləşdirib.

"Operativ Məlumat Mərkəzi-OMM" xəbər verir ki, bu barədə Suriya Ordusunun Ali Komandanlığı bəyanat yayıb.

Məlumatda deyilir: “Suriya Silahlı Qüvvələri terror hücumlarının qarşısını almaq üçün döyüş xəttindəki bütün mövqeləri canlı qüvvə və texnika ilə gücləndirməyə davam edir”.

Açıqlamaya görə, Suriya ordusu bir çox bölgədə nəzarəti bərpa edib. Qeyd edilib ki, terrorçular Suriya hakimiyyətinin nəzarətində olan ərazilərdən tamamilə çıxarılana və ya yox edilənə qədər ordu onlara qarşı hücumlarını davam etdirəcək.