Amerikanın “SpaceX” şirkəti orbitə daha 23 ədəd “Starlink” peyki göndərib.
"Operativ Məlumat Mərkəzi-OMM" xarici KİV-ə istinadən xəbər verir ki, kapsulu Florida ştatının Cape Kanaveral kosmik mərkəzindən buraxılan “Falcon-9” raketi atmosfer xaricinə çıxarıb.
“Falcon-9” raketi daha sonra Yerə uğurlu eniş edib.
Qeyd edək ki, “SpaceX” indiyədək kosmik fəzaya ümumilikdə 5,5 mindən çox peyk buraxıb. Onların 5 mindən çoxu işlək vəziyyətdədir.
Dünyanın ən böyük peyk operatoru orbitə ümumilikdə təxminən 12 min kosmik aparat çıxarmağı planlaşdırır.
Kompaniyanın qiymətləndirməsinə əsasən, internet peyklərin buraxılışı və istismarı 10 milyard dollara başa gələcək.
