OMM Redaksiyası
Niderland millisinin sabiq yarımmüdafiəçisi Vesli Sneyder Xavinin ölkə yığmasının baş məşqçisi təyin olunmasını tənqid edib.
O, bu qərarı qəribə adlandıraraq Xavinin Niderland Futbol Federasiyasının müəyyən etdiyi standartlara cavab vermədiyini söyləyib.
“Mənə bir qədər qəribə gəlir ki, Niderland millisinin baş məşqçisi kimi federasiyanın standartlarına əslində uyğun olmayan məşqçi seçilir”, – Sneyder deyib.
Keçmiş futbolçu bildirib ki, Xavi A, B və Pro məşqçilik lisenziyalarını cəmi dörd həftəyə əldə edib. Sneyderin sözlərinə görə, Niderland federasiyasının tələbinə əsasən məşqçilər hazırda 4,5 il davam edən kurs keçməlidirlər.
“Xaviyə ən yaxşısını arzulayıram, amma məşqçi kimi onun təcrübəsi azdır”, – deyə Sneyder fikrini yekunlaşdırıb.
