Şimali Koreyada keçən il keçirilən “Hwasong-17” qitələrarası ballistik raketinin (ICBM) uğurlu sınaqlarının ildönümünü qeyd etmək üçün yeni bayram günü yaradılıb.
"Operativ Məlumat Mərkəzi-OMM" xəbər verir ki, bu barədə Şimali Koreyanın dövlət agentliyi KCNA məlumat yayıb.
Belə ki, 18 noyabr 2022-ci ildə Pxenyan hərbi analitiklər tərəfindən "canavar raket" adlandırılan "Hwasong-17"nin ilk tam uçuş sınağı olduğu güman edilən testi həyata keçirib. Hadisənin ildönümü Ali Xalq Məclisinin iclasında dövlət bayramı kimi müəyyən edilib.
