OMM Redaksiyası
UEFA Çempionlar Liqasının əsas mərhələsində “Sabah”la qarşılaşan “Borussiya Dortmund” 2:1 hesablı qələbə qazanıb. Bakı Olimpiya Stadionunda keçirilən görüşdə Almaniya təmsilçisinin hər iki qoluna hücumçu Seru Qirassi imza atıb.
Komandanın qapıçısı Qreqor Kobel Qirassinin çıxışını yüksək qiymətləndirib: “Seru əsl maşındır, onun haqqında bundan artıq heç nə deməyə ehtiyac yoxdur”.
Dortmund klubunun niderlandlı yarımmüdafiəçisi Coy Veerman da hücumçunun oyununu təqdir edib. Onun sözlərinə görə, rəqib müdafiəçilərin daim diqqətində olsa da, Qirassi cinah ötürmələri zamanı böyük təhlükə yaradır. Veerman onu komanda üçün “çox vacib hücumçu” adlandırıb.
Qirassi matçdan sonra qələbənin əhəmiyyətindən danışıb: “Son nəticələrdən sonra komandada əhval-ruhiyyə xeyli aşağı düşmüşdü. Buna görə bu qələbə bizim üçün çox vacib idi. Böyük komandanı fərqləndirən də budur: belə oyunlarda qalib gəlməyi bacarır”. O, 2024-cü ildə “Ştutqart”dan “Borussiya Dortmund”a keçib və həmin vaxtdan UEFA Çempionlar Liqasında 21 qol vurub.
