Seneqalın Baş naziri Usman Sonko bu gün Türkiyəyə səfər edəcək.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Baş nazir Sonko 6–11 avqust tarixlərində Türkiyədə rəsmi səfərdə olacaq.
Açıqlamaya görə, sabah keçiriləcək görüşlərdə Türkiyə ilə Seneqal arasındakı ikitərəfli münasibətlər bütün aspektləri ilə müzakirə olunacaq, strateji tərəfdaşlıq səviyyəsində əməkdaşlığın dərinləşdirilməsi üçün atılacaq addımlar qiymətləndiriləcək.
Görüşlər zamanı, həmçinin regional və beynəlxalq məsələlərlə bağlı fikir mübadiləsi aparılacaq.
Səfər çərçivəsində Türkiyə ilə Seneqal arasında müqavilə-hüquq bazasını möhkəmləndirəcək müxtəlif sazişlərin imzalanması da gözlənilir.
