Seneqal parlamenti buraxılıb.

"Operativ Məlumat Mərkəzi-OMM" xəbər verir ki, bu barədə respublikanın prezidenti Bassiro Diomai Fay bildirib.

"Səlahiyyətlərim əsasında və konstitusiya şurası və baş nazirlə məsləhətləşmədən sonra parlamenti buraxmaq qərarına gəldim. Seçkilər noyabrın 17-də keçiriləcək". 

Sentyabrın 3-də parlament prezidentin təqdim etdiyi dövlət hakimiyyəti strukturunda islahatlara yönəlmiş qanun layihəsini rədd edib. Bu addımı şərh edən Fai deyib ki, deputatlar parlament çoxluğunun mövqeyi ilə mart ayında keçirilən prezident seçkiləri zamanı ifadə edilən xalqın istəkləri arasında dərin uçurum olduğunu nümayiş etdiriblər.

Buraxılan parlamentin üzvləri 2022-ci ilin sentyabrında and içiblər. Milli Assambleyadakı əksəriyyət Seneqalın keçmiş prezidenti (2012-2024) Makki Sallın tərəfdarları tərəfindən idarə olunurdu. Konstitusiya ilk iki ildən sonra dövlət başçısına parlamenti buraxmağa icazə verir.

Livanda daşınan rabitə vasitələrinin partlaması nəticəsində azı 8 nəfər ölüb, 2,8 minə yaxın insan yaralanıb.

 "Operativ Məlumat Mərkəzi-OMM" xarici KİV-ə istinadən xəbər verir ki, bu barədə Livanın səhiyyə naziri vəzifələrini müvəqqəti icra edən Firas Abyad məlumat verib.

“Hizbullah” hərəkatının teleqram kanalında verdiyi açıqlamada bildirilir ki, rabitə cihazlarının partlamasının səbəblərinın müəyyənləşdirilməsi ilə bağlı ətraflı araşdırma aparılır.

***

Livanın paytaxtı Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması nəticəsində yaralananların sayı 2 min nəfərə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Məlumata görə, xəsarət alanlar arasında yüksək rütbəli hərbçilər də var.

Qeyd olunub ki, xilasetmə qüvvələri hələ də Livanın hər yerindən qurbanları təxliyə edir.

***

Livanın paytaxtı Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması nəticəsində yaralananların sayı 2 min nəfərə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Məlumata görə, xəsarət alanlar arasında yüksək rütbəli hərbçilər də var.

Qeyd olunub ki, xilasetmə qüvvələri hələ də Livanın hər yerindən qurbanları təxliyə edir.

***

İranın Livandakı səfiri rabitə qurğusunun partlamasından sonra yaralanıb.

"Operativ Məlumat Mərkəzi-OMM" xəbər verir ki, bu barədə İran mediası məlumat yayıb. Səfir Müctəba Əmaninin yüngül xəsarət aldığı və hazırda xəstəxanada müşahidə altında olduğu bildirilir.

***

Beyrutdakı partlayışda İran səfiri yaralanıb.

"Operativ Məlumat Mərkəzi-OMM" xəbər verir ki, bu barədə “Mehr” agentliyi məlumat yayıb.

Xəbərə görə, İran İslam Respublikasının Livandakı səfiri Müctəba Əmani Beyrutda kiberhücum nəticəsində baş vermiş partlayış zamanı yaralanıb.

Qeyd edək ki, Beyrutun Dahiyə məhəlləsində Hizbullah əməliyyatçıları tərəfindən istifadə edilən portativ rabitə qurğularının partlaması nəticəsində yüzlərlə döyüşçü yaralanıb. Bu bardə “Reuters“ adı açıqlanmayan təhlükəsizlik mənbəsinə istinadən məlumat yayıb. Mənbə əlavə edir ki, qurğular Livanın cənubunda da partlayıb.

Livan Səhiyyə Nazirliyi bütün ölkədə baş verən partlayışlardan sonra insanları rabitə cihazlarından uzaq durmağa çağırıb.

İddialara görə, rabitə qurğuları İsrail tərəfindən partladılıb. Hadisə ilə bağlı İsrail tərəfindən heç bir şərh verilməyib.

Nigeriyada avtobus qəzasında 15-i uşaq olmaqla 40 nəfər həlak olub.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə yerli hakimiyyət orqanları məlumat yayıb.

“15 uşaq yerindəcə ölüb, qalan 48 nəfər isə müxtəlif dərəcəli bədən xəsarətləri alıb. Sonradan 10 nəfər aldığı xəsarətlərdən, daha bir neçə zərərçəkən isə xəstəxanada dünyasını dəyişib. Nəticədə ölənlərin sayı 40 nəfərə çatıb”, – nəşr yazıb.

Qeyd olunub ki, Kaduna ştatında 63 uşağı daşıyan avtobus digər nəqliyyat vasitəsi ilə toqquşub.

İsrail hökuməti Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması ilə bağlı təcili toplanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qeyd olunub ki, baş nazir Benyamin Netenyahunun rəhbərliyi ilə keçirilən iclasda ölkənin müdafiə naziri Yolav Qant və digər vəzifəli şəxslər iştirak edirlər.

Xatırladaq ki, partlayış nəticəsində 2 minə yaxın insan yaralanıb.

NATO bir neçə ay ərzində Əmmanda Yaxın Şərq ölkələri ilə kommunikasiya üçün səfirlik modeli əsasında fəaliyyət göstərəcək ofis açmaq niyyətindədir.

"Operativ Məlumat Mərkəzi-OMM" TASS-a istinadən xəbər verir ki, bu barədə alyansın Afrika və Yaxın Şərq üzrə xüsusi nümayəndəsi Xavyer Kolomina “The National” qəzetinə müsahibəsində deyib.

“Bu səfirlik bizə siyasi məlumat toplamaq, insanlarla danışmaq və vəziyyətin necə dəyişdiyini daha yaxşı başa düşməyə kömək edəcək. Hətta bəzi cənublu tərəfdaşların istəyi olarsa, başqa ölkələrdə də iştirak etmək mümkün olacaq”, - o bildirib.

Xüsusi nümayəndənin sözlərinə görə, NATO-nun Yaxın Şərqdə baş verənlərə xüsusi diqqət yetirməsi onun Ukraynaya dəstəyinə heç bir şəkildə təsir etməyəcək.

İsrail qüvvələrinin Qəzzada keçirdiyi hərbi əməliyyatlar nəticəsində son 24 saat ərzində 30-a yaxın fələstinli ölüb, 80-dən çoxu yaralanıb.

"Operativ Məlumat Mərkəzi-OMM" xəbər verir ki, bu barədə Qəzza Səhiyyə Nazirliyi məlumat yayıb.

Qəzza Səhiyyə Nazirliyi əlavə edib ki, İsrail ordusunun anklavda keçirdiyi əməliyyatların qurbanlarının ümumi sayı 41 252 nəfərə çatıb, daha 95 497 nəfər yaralanıb.