Donetskin "Şaxtyor" klubu Braziliyanın "Atletiko Paranaense" komandasının gənc hücumçusu və vingeri Bruninyonun transferi ilə bağlı razılığa gəlib.
"Operativ Məlumat Mərkəzi-OMM" xəbər verir ki, bu barədə tanınmış idman insayderi Fabrisio Romano məlumat yayıb.
Məlumata görə, 17 yaşlı futbolçu gələn yay Ukrayna təmsilçisinin heyətinə qatılacaq.
Transferin dəyəri 88 milyon Braziliya realı (təxminən 12 milyon avro) təşkil edir.
Halbuki, "Transfermarkt" portalında oyunçunun bazar dəyəri 2 milyon avro olaraq qiymətləndirilir.
Fabrisio Romano qeyd edib ki, bu, "Şaxtyor" klubunun qarşıdan gələn transfer pəncərəsindəki yeganə hədəfi deyil və komanda daha bir neçə yeni oyunçu cəlb etməyi planlaşdırır.
Tam adı Bruno Braqa Ramos olan gənc istedadın statistikası aşağıdakı kimidir:
- Cari mövsümdə "Atletiko Paranaense" forması ilə 17 oyun;
- Rəqib qapılarından keçirilmiş 4 qol;
- Braziliyanın gənclər yığmasında bir neçə çıxış.
