OMM Redaksiyası
Uels Şahzadəsi Vilyam Səudiyyə Ərəbistanına üç günlük səfərə yola düşüb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, o, səfər zamanı ölkə hökmdarı Məhəmməd bin Salmanla görüşəcək.
Qeyd olunub ki, Şahzadənin səfəri Böyük Britaniya Maliyyə Nazirinin 2025-ci ildə Səudiyyə Ərəbistanına səfərindən sonra baş tutur.
Vilyam Səudiyyə Ərəbistanının iqtisadi islahatlarına, mədəni təşəbbüslərinə və ətraf mühit proqramlarına həsr olunmuş tədbirlərdə iştirak edəcək.
O, həmçinin gənc səudiyyəlilərlə görüşməyi və ölkənin davamlı inkişaf və şəhərsalma proqramları, qadın idmanı, ətraf mühitin qorunması və mədəni əməkdaşlıqla bağlı layihələr haqqında məlumat əldə etməyi planlaşdırır.
Şahzadə Vilyam həmçinin qədim ərəb vahəsi Əl-Ulanı da ziyarət edəcək.
