Oman sahillərində Hörmüz boğazından keçərək hərəkət edən neft tankerinə naməlum sursatla zərbə endirilib.
“Operativ Məlumat Mərkəzi-OMM” xəbər verir ki, bununla bağlı Böyük Britaniyanın Dəniz Ticarət Əməliyyatları İdarəsi (UKMTO) məlumat yayıb.
Qurumun bildirdiyinə görə, yerli hakimiyyət orqanları hadisənin Omanının Xasab şəhərinin şimalında baş verdiyini bildiriblər.
Qeyd olunub ki, gəmi boğazdan çıxış istiqamətində hərəkət edərkən sursat tankerinin mühərrik bölməsinə düşüb.
UKMTO-nun açıqlamasında vurğulanıb ki, ekipaj üzvlərinin hamısı təhlükəsizdir və gəmini tərk etməyiblər.
Hadisə nəticəsində dəymiş ziyanın miqyası və ətraf mühitə mümkün təsirlər barədə hələlik məlumat yoxdur.