OMM Redaksiyası
ABŞ Ədliyyə Nazirliyi tərəfindən ictimaiyyətə açıqlanan 3,5 milyon səhifəlik "Epstein" arxiv sənədləri böyük səs-küyə səbəb olub.
“Operativ Məlumat Mərkəzi-OMM” xarici KİV-ə istinadən xəbər verir ki, sənədlərdə dövlət sirlərini sızdırmaqda və qeyri-qanuni istismar şəbəkəsinə daxil olmaqda günahlandırılan keçmiş şahzadə Endryu, dövlət vəzifəsində yol verdiyi qanunsuzluq şübhəsi ilə həbs olunub.
Böyük Britaniyanın Baş naziri Kir Starmer məsələyə münasibət bildirərək, "Heç kim qanundan üstün deyil" ifadəsini işlədib.
Bu açıqlamanın ardınca Britaniya polisi hərəkətə keçərək, Endryunun "Windsor" qalasındakı keçmiş iqamətgahında genişmiqyaslı araşdırmalara başlayıb.
Xatırladaq ki, şahzadənin adı uzun müddətdir ki, qalmaqallı "Epstein" işi ilə hallanırdı, lakin son arxiv sənədləri rəsmi ittihamların irəli sürülməsi üçün əsas yaradıb.
