OMM Redaksiyası
Böyük Britaniyanın Baş naziri Kir Starmerin yaxın günlərdə istefa qrafikini açıqlayacağı gözlənilir. Bu addım, ölkənin son 10 ildə yeddinci liderini seçməsi ehtimalını artırır və keçmiş Mançester meri Andi Burhamın hakimiyyətə gəlməsinə yol açır.
"Operativ Məlumat Mərkəzi-OMM" xarici KİV-ə istinadən xəbər verir ki, hakim Leyboristlər Partiyası yüksək vəzifəli şəxslərinin məlumatına görə, Kir Starmerin bu qərarı verməsinə daxili təzyiqlər səbəb olub.
Belə ki, daxili işlər naziri Shabana Mahmood və xarici işlər naziri Yvette Cooper də daxil olmaqla, dörd yüksək rütbəli nazir Baş nazirə istefa cədvəlini müəyyən etməyi tövsiyə edib.
Maraqlıdır ki, hələ bir neçə gün əvvəl Kir Starmer liderlik uğrunda mübarizədən geri çəkilməyəcəyini bəyan etmişdi.
Cümə günü Makerfield seçki dairəsində keçirilən aralıq seçkilərdə Andi Burnhamın qələbəsi partiya daxilində yeni bir dalğa yaradıb.
O, "Reform UK" partiyasının namizədinə qarşı inamlı qələbə qazanaraq, leyboristlərin seçici rəğbətini yenidən qazana biləcəyinə dair ümidləri artırıb.
Media tərəfindən "Şimalın kralı" adlandırılan Burnham, şimal bölgələrindəki seçicilərlə güclü kommunikasiya bacarığı ilə tanınır.
Bununla belə, Andi Burnhamı çətin sınaqlar gözləyir.
İqtisadçılar, o cümlədən "Citibank" analitikləri xəbərdarlıq edir ki, yeni hökumət olduqca mürəkkəb fiskal vəziyyətlə üzləşəcək. Böyük Britaniyanın yüksək dövlət borcu, iqtisadi artımın zəifliyi və xərclərin azaldılması ilə bağlı problemlər yeni liderin manevr imkanlarını məhdudlaşdıra bilər.
