Qarabağdan Rusiya sülhməramlılarının karvanı Ermənistanın Sünik rayonunun Qoris və Sisiandakı müvəqqəti dislokasiya məntəqələrinə yollanıb.

"Operativ Məlumat Mərkəzi-OMM" xəbər verir ki, bu barədə Ermənistan Təhlükəsizlik Şurasının katibi Armen Qriqoryan “Armenpress” agentliyinə bildirib.

“Dağlıq Qarabağda yerləşdirilməsi və sülhməramlı fəaliyyət üçün Ermənistan hökuməti Qoris və Sisianda Rusiya sülhməramlı birləşmələrinə müvəqqəti dislokasiya məntəqələri ayırıb. Laçın dəhlizinin normal fəaliyyətini təmin etmək üçün yer də seçilib. Rusiya sülhməramlı qoşunları Dağlıq Qarabağı tərk etdiyinə görə, təbii ki, onlar Ermənistanda da qala bilməzlər. Dağlıq Qarabağdan gələn sülhməramlılardan ibarət qrup və konvoy onların bağlanması üzrə işlərin təşkili üçün Qoris və Sisiandakı müvəqqəti dislokasiya məntəqələrinə yollanıb”, – o qeyd edib.

Mayın 14-də Ermənistan və Hindistanın Müdafiə Nazirlikləri arasında ilk müdafiə məsləhətləşmələri baş tutub.

"Operativ Məlumat Mərkəzi-OMM" xəbər verir ki, bu barədə Ermənistan Müdafiə Nazirliyi məlumat yayıb.

Bildirilib ki, iclasa Ermənistan Müdafiə Nazirliyinin Müdafiə Siyasəti və Beynəlxalq Əməkdaşlıq İdarəsinin rəisi Levon Ayvazyan və Hindistan Müdafiə Nazirliyinin beynəlxalq əməkdaşlıq üzrə birgə katibi Şri Vişveş Negi rəhbərlik ediblər.

Məsləhətləşmələr zamanı müdafiə sahəsində, o cümlədən hərbi-texniki əməkdaşlıq, hərbi təhsil, şəxsi heyətin taktiki hazırlığı, təcrübə mübadiləsi və digər sahələrdə Ermənistan-Hindistan əməkdaşlığının gedişatı və inkişaf perspektivləri müzakirə olunub.

Regional təhlükəsizliklə bağlı məsələlər ətrafında fikir mübadiləsi aparılıb.

Məsləhətləşmələrin Protokol imzalanıb. Ermənistan və Hindistan Müdafiə nazirlikləri arasında 2024-2025-ci illər üçün Əməkdaşlıq Planı təsdiq edilib, ikitərəfli müdafiə sahəsində əməkdaşlıq üzrə birgə işçi qrupun yaradılması nəzərdə tutulub.

“Vətən naminə Tavuş” müxalifət hərəkatının çağırışı ilə Ermənistanın baş naziri Nikol Paşinyanın istefası tələbi ilə İrəvan küçələrini bağlayan 156 vətəndaşın hamısı sərbəst buraxılıb.

"Operativ Məlumat Mərkəzi-OMM" xəbər verir ki, bu barədə Daxili İşlər Nazirliyinin mətbuat xidmətindən məlumat verilib.

Həmin şəxslərin gün ərzində polisin qanuni tələblərinə tabe olmadıqları üçün polis bölmələrinə aparıldığı qeyd edilib.

İrəvanda səfərdə olan ATƏT-in hazırkı sədri Yan Borq Ermənistanın baş naziri Nikol Paşiyanla görüşüb.

"Operativ Məlumat Mərkəzi-OMM" xəbər verir ki, bu barədə Y.Borq “X” sosial şəbəkəsindəki hesabında məlumat verib.

Qeyd edək ki, daha əvvəl Y.Borq Ermənistanın xarici işlər naziri Ararat Mirzoyanla danışıqlar aparıb. Onlar Ermənistanla Azərbaycan arasında delimitasiya prosesi, İrəvan ilə ATƏT arasında əməkdaşlıq məsələlərini müzakirə ediblər.

Ermənistan sakinlərinin ölkə hökumətinin Azərbaycanla sərhədin birtərəfli qaydada delimitasiyası qərarına etirazları çərçivəsində İrəvanda ilk barrikadalar qurulub.

"Operativ Məlumat Mərkəzi-OMM" xəbər verir ki, bu barədə "Sputnik Near Abroad" agentliyi məlumat yayıb.

"İrəvanda skamyalar və zibil qutularından ibarət ilk barrikadalar qurulmağa başlayıb, polis etirazçıları saxlayır", - deyə agentliyin açıqlamasında bildirilib.

Rusiya sərhədçiləri Ermənistanın Azərbaycanla sərhəddə yerləşən Zəngəzur vilayətindəki postlarını bağlamağa başlayıblar.

"Operativ Məlumat Mərkəzi-OMM" xəbər verir ki, bu barədə "Sputnik Armenia" məlumat yayıb.

Qeyd edilir ki, onlar 44 günlük müharibədən sonra, 2020-ci ilin dekabrında vilayətin Gorusla Qafan rayonları arasında yerləşən Çakaten kəndində məskunlaşıblar.

Bundan əvvəl Ermənistan parlamentinin hakim fraksiyasının rəhbəri Hayk Konjorian Rusiya sərhədçilərinin Qeqarkunik, Sünik, Tavuş, Ararat və Vayots Dzor bölgələrindən çıxarıldığını bəyan edib.

Rusiya Prezidentinin mətbuat katibi Dmitri Peskov bildirib ki, Rusiya sərhədçilərinin Ermənistanın bir sıra rayonlarından çıxarılması iki ölkə liderlərinin Moskvada keçirilən görüşündə razılaşdırılıb.