Rusiyanın Zabaykal diyarının Çita şəhərinin Antipixa qəsəbəsində 5 mərtəbəli yaşayış binasındakı partlayış nəticəsində 4-cü və 5-ci mərtəbələr dağılıb.
"Operativ Məlumat Mərkəzi-OMM" TASS-a istinadən xəbər verir ki, məlumatı Rusiya Fövqəladə Hallar Nazirliyinin mətbuat xidməti yayıb.
Regional Polis İdarəsi hadisənin qaz partlayışı nəticəsində baş verdiyini bildirib.
İlkin məlumata görə, azı 5 mənzilə ziyan dəyib.
İtki və xəsarət alanlar barədə məlumat yayılmayıb.
Dağıntılar altından 8 nəfər xilas edilib.
Araşdırma aparılır.
