Rusiyada təbii fəlakət nəticəsində 10 mindən çox evi su basıb

Rusiyanın Orenburq vilayətində baş verən sel fəlakəti zamanı Orsk şəhərində bəndin partlaması nəticəsində ən azı 10 min evi su basıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hadisə nəticəsində 6 100 nəfər təxliyə edilib. Orsk şəhərində 3-ü uşaq olmaqla 9 nəfər xəstəxanaya yerləşdirilərkən, onların xəsarətlərinin həyati təhlükəsinin olmadığı açıqlanıb.

Səlahiyyətlilər 310 min əhalisi olan Kurqanda çay kənarındakı məhəllələrdə yaşayanlara sel sularının qısa müddətdə şəhərə çatacağı təqdirdə ərazini tərk etmələri barədə xəbərdarlıq edib.