Rusiya Federasiyasının Qazaxıstanla sərhədində, Başqırdıstan Respublikasında meşə yanğınları davam edir.
"Operativ Məlumat Mərkəzi-OMM" xarici mediaya istinadən xəbər verir ki, Rusiya Fövqəladə Hallar Nazirliyinin (FHN) qrupları yanğınla mübarizəni davam etdirir.
Fövqəladə Hallar Nazirliyinin verdiyi açıqlamada yanğının mayın 28-də başladığı bildirilib:
"Rusiya Fövqəladə Hallar Nazirliyinin yanğınsöndürənləri Kuyanovo kəndində müdaxilələrini davam etdirirlər. Yanğınsöndürən helikopterlər yanğına 87 ton su ilə müdaxilə edib. Müdaxilədə 53 yanğınsöndürən iştirak etdiyi halda, 300 rayon sakini də yanğınsöndürənlərə dəstək verib".
