Rusiyanın paytaxtı Moskvadan səmaya qalxan təyyarə Yujno-Saxalinsk hava limanında məcburi eniş edib.

"Operativ Məlumat Mərkəzi-OMM"-in məlumatına görə, bu barədə region üzrə Fövqəladə Hallar Nazirliyinin saytı xəbər yayıb.

Qeyd edilir ki, dekabrın 1-də Moskva vaxtı ilə 1:34 (Bakl vaxtı ilə saat 2:34) təyyarə Yujno-Saxalinsk hava limanına enib.

"Fövqəladə Hallar Nazirliyinin Saxalin vilayəti üzrə Baş İdarəsinə "Aeroflot"a məxsus "Boeing 737" təyyarəsinin Yujno-Saxalinsk hava limanında qəza eniş etməyə hazırlaşdığı barədə məlumat daxil olub", - mətbuat xidməti bildirib.

Məlumatda qeyd olunub ki, eniş insidentsiz həyata keçirilib və xəsarət alan olmayıb. Təcili enişin səbəbləri açıqlanmır.

Ermənistan Cənubi Qafqazda sabitliyin bərqərar olmasında maraqlıdır və Azərbaycanla ən qısa zamanda sülh sazişi imzalamağa hazırdır.

"Operativ Məlumat Mərkəzi-OMM" Ermənistan KİV-ə istinadən xəbər verir ki, bunu Nyu-Yorkda BMT Baş Assambleyasının 79-cu sessiyası çərçivəsində ATƏT-in fəaliyyətdə olan sədri, Maltanın xarici işlər naziri və Malta Parlamentinin üzvü İan Borqla görüşü zamanı Ermənistanın xarici işlər naziri Ararat Mirzoyan deyib.

Bundan əlavə, A.Mirzoyan italiyalı həmkarı Antonio Tayani ilə də danışıqlar aparıb. Tərəflər, həmçinin İrəvan və Bakı arasında münasibətlərin normallaşdırılması prosesini müzakirə ediblər.

Ukraynada qondarma qələbə planının həyata keçirilməsinə Rusiya ilə danışıqlar daxil deyil.

"Operativ Məlumat Mərkəzi-OMM" xəbər verir ki, bunu Ukrayna lideri Vladimir Zelenski Amerikanın ABC telekanalına müsahibəsində deyib.

“Bu, Rusiya ilə danışıqlardan getmir. Bu, diplomatik yola körpüdür, söhbət müharibəni necə dayandırmaqdan gedir”,- deyə o, ABC-nin “qələbə planında” Rusiya Federasiyası ilə danışıqların olub-olmaması ilə bağlı sualını cavablandırarkən deyib.

Zelenskinin sözlərinə görə, onun haqqında danışdığı “körpü” qələbə planıdır.

Türkiyənin BRİKS-ə müraciəti və birliyə potensial daxil olması inqilabi hadisə olacaq, çünki ölkə “NATO zəncirini qıracaq”.

"Operativ Məlumat Mərkəzi-OMM" xəbər verir ki, bunu Vətən Partiyasının sədr müavini Hakan Topkurulu "RİA Novosti" ilə görüşündə deyib.

“Türkiyənin üzvlük müraciəti və qəbulu NATO üzvü olan ölkənin NATO zəncirini qıraraq BRİKS-ə üzv olması baxımından inqilabi hadisədir”.

Türkiyəli siyasətçinin fikrincə, BRİKS assosiasiyası yeni qütbə çevrilir və sürətlə “cazibə gücünü” artırır.

Sentyabrın ortalarında ABŞ-ın Türkiyədəki səfirliyi Ankaranın BRİKS-ə qoşulmaq istəyini xatırladıb və bu ölkələrin ikitərəfli münasibətlərinə əminliyini ifadə edib.

ABŞ-ın Türkiyədəki səfirliyinin müvəqqəti işlər vəkili Maykl Qoldmanın sözlərinə görə, Türkiyə suveren, müstəqil dövlət və millətdir, istədiyi şəxslə münasibət qura bilir.

Bu gündən Rusiya KİV-lərində çalışan şəxslərə türk dili tədris olunacaq. Onlar təxminən bir ilə türk dilini öyrənə biləcəklər.

"Operativ Məlumat Mərkəzi-OMM" xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş Rusiyanın paytaxtı Moskvada Yunus Emre İnstitutunda çıxışı zamanı deyib.

O bildirib ki, Türkiyə ilə Rusiya arasında dostluq əlaqələrinin ən mühüm komponentlərindən biri türk dilidir: "Dünyanın bir çox ölkəsində insanlar türk dilində kifayət qədər yaxşı danışırlar".

Türkiyə Böyük Millət Məclisinin (TBMM) sədri Numan Kurtulmuş Rusiyanın paytaxtı Moskvada rəsmi səfərdədir.

"Operativ Məlumat Mərkəzi-OMM" xəbər verir ki, o, bu barədə “X”də yazıb.

N.Kurtulmuşun Moskvada bir sıra rəsmi görüşlər keçirəcəyi gözlənilir.