Afət Ziyadqızı
Rusiya Müdafiə Nazirliyi Ukraynanın Xarkov vilayətində Nesterne, Rublenoye və Vısokaya Yaruga yaşayış məntəqələrinin Rusiya silahlı qüvvələrinin nəzarətinə keçdiyini bəyan edib.
"Operativ Məlumat Mərkəzi-OMM" xəbər verir ki, Rusiya hərbi qurumu Nesterne və Rublenoyenin hücum əməliyyatları nəticəsində, Vısokaya Yaruganın isə “Şimal” qoşun qruplaşmasının bölmələri tərəfindən tutulduğunu bildirib.
Məlumatda, həmçinin Xarkov vilayətinin Prikolotnoye yaşayış məntəqəsi istiqamətində döyüşlərin davam etdiyi qeyd olunur.
Məlumata görə, Rusiya Prezidenti Vladimir Putin bir müddət əvvəl Xarkov vilayətinin şimal-şərq hissəsində Ukrayna Silahlı Qüvvələrinin bölmələrinin mühasirəyə alındığını iddia etmiş, bunun təmas xəttini Rusiyanın Belqorod vilayətinin sərhədyanı rayonlarından uzaqlaşdırmaq məqsədi daşıdığını bildirmişdi.
